1 грамм үшін бас бостандығынан айырылады: Елімізде есірткіге байланысты жаза күшейтілмек

Қазақстанда синтетикалық есірткінің 11 жаңа түрі мен 17 прекурсордың заңсыз айналымы үшін қылмыстық жауапкершілік енгізілді. Бұдан былай "спайс" пен "мефедронның" 1 грамы үшін де жауапқа тарту көзделіп отыр деп жазады KAZ.NUR.KZ тілшісі.

Ішкі істер министрлігінде өткен брифингте Есірткі қылмысына қарсы іс-қимыл департаментінің басқарма басшысы Берікхан Нұрғалиев есірткі саудасына қатысты қылмыстардың жазасы қалай қатаңдатылғанын хабарлады.

Оның сөзінше, жуырда синтетикалық есірткінің тағы 11, прекурсордың 17 жаңа түрінің айналымы үшін қылмыстық жауапкершілік енгізілген үкіметтің қаулысы күшіне енеді.

"Сондай-ақ, ең көп таралған есірткі үшін нақты бас бостандығынан айырудың қылмыстық салмағы төмендетілді. "пиралерон" (жылдамдық), мефедрон (меф) және синтетикалық каннабиноидтың (спайс) заңсыз айналымы үшін артылатын жауапкершілік 50 грамнан емес, 1 грамнан басталады", - деді Берікхан Нұрғалиев.

Сонымен бірге, ол ІІМ сенаторлармен бірлесіп, күшті заттардың айналымы үшін жауапкершілікті көздейтін заң жобасын әзірлеуге кіріскенін хабарлады. Өйткені, Нұрғалиевтің айтуынша, кейбір препараттар белгілі бір жағдайда сананың өзгеруіне әкеледі және оны жасөспірімдер өз денсаулығына тәжірибе жасау мақсатында пайдалануы мүмкін.

Мәтіннен қате тапсаңыз, бізге жазыңыз