Жарты ай бұрын жоғалған төрт жасар қыз 36 жастағы ер адамның үйінен табылды

Австралияда қазан айының ортасында із-түзсіз жоғалған төрт жасар қыз табылды деп хабарлайды Би-би-си.

Австралия полициясы 16 қазанда төрт жасар Клео Смит жоғалғаннан кейін дабыл қағып, тапқан адамға 750 мың доллар сыйақы ұсынды. Қыз 36 жастағы азаматтың Батыс Австралияда орналасқан Карнарвондағы үйінде қамалып жатқан жерінен табылды.

Ол дін-аман. Ұрлаған адамның қандай мақсаты болғаны белгісіз.

Полиция қызды табар алдында ер адам көршісімен бірге дүкеннен жаялық сатып алғаны, көршісіне оның себебін түсіндірмегенін хабарлады. Үй иесінің қыздың жанұясына еш қатысы жоқ.

Клео Смит 16 қазанға қараған түні ата-анасымен демалып жүрген кезде жоғалып кеткен. Ол сіңлісімен бірге ұйықтап жатқан. Ал ата-анасы екінші лашықта болған. Таңертең Клео ұшты-күйлі жоғалған.

Бүлдіршінді іздеуге 100 офицер жұмылдырылды. Іздеу жұмыстары халық саны аз елді мекендерде де жүргізілді.

Мәтіннен қате тапсаңыз, бізге жазыңыз