RU

Еліміздің тағы бір қаласынан пластик қызғалдақтардан жасалған гүлзар табылды (видео)

Гүл
Видеодан кадр: instagram.com/astana_sergek_kaz

Тараз қаласында пластик қызғалдақтардан жасалған гүлзар бақ табылды. Бұған дейін қызғалдақтың мұндай түрі Ақтауда орнатылған еді. Осыған байланысты Тараз әкімдігі пікір білдіріп, инсталляция қашан пайда болғанын айтты, деп жазады KAZ.NUR.KZ тілшісі.

"Ақтауда осындай пластик қызғалдақтарды ұнататын әкім бар екені бәрімізге белгілі. Ол елде жалғыз емес сияқты. Тараз әкімі де пластик қызғалдақтар егіп қойыпты. Олар әлі құламаған, бірақ бастары жұлынып, қорқынышты жағдайда тұр. Міне, біздің Қазақстан", - дейді видео авторы.

Желіде тарап кеткен бейнежазбаға қатысты Тараз қаласының әкімдігі пікір білдірді.

"Безендірудің бұл түрін кәсіпкерлер өнімдерді жарнамалау мақсатында биыл қыркүйек айында демеушілік қаражат есебінен орнатқан. Анықталғандай, дәл осындай безендіру Ақтауда кейінірек пайда болды", - деді қала әкімінің кеңесшісі Зарина Қуатова.

Оның айтуынша, бүгінде Таразда шығыс қақпаның екі жағында және "Баласағұн" орталық концерт залының маңында шағын сәулеттік пішіндер орнатылған. Гүлзар баққа "Жасыл-Ел Тараз" ЖШС күтім жасайды.

"Сынған фактілер анықталмады. Күн сайын жауапты ұйымның мамандары безендірудің бүтіндігін тексереді", - деді Зарина Қуатова.

Еске сала кетсек, қазан айында Ақтау тұрғындары 15 млн теңгеге орнатылған пластик қызғалдақтарды сынға алған еді. Кейінірек, жасанды гүлдердің сына бастағаны белгілі болды. Қала әкімі Нұрдәулет Қилыбай мердігерлер безендіруді қалпына келтірмесе, ақша төленбейтінін хабарлады.

Мақаланың түпнұсқасы: https://kaz.nur.kz/society/1941297-elimizdin-tagy-bir-qalasynan-plastik-qyzgaldaqtardan-zasalgan-gulzar-baq-tabyldy-video/