Top.Mail.Ru

Сайт нұсқасы

ru kz

Зектілері

Алматы Жаңа жыл мерекесіне қалай безендірілді

Опубликовано:

Фото
Фото: NUR.KZ/Владимир Третьяков

Алматы қаласы Жаңа жыл мерекесіне қызу дайындалып жатыр. Шаһарда ғимараттар, алаңдар, көшелер мен саябақтар безендірілген, деп жазады KAZ.NUR.KZ тілшісі.

Мәселен, Сатпаев көшесінде Есентай өзенінің маңынан Жаңа жыл қалашағын тамашалауға болады. Биыл мұнда қонжық, айналаны шолу дөңгелегі, шыршалар, үйшіктер мен шарлар қойылған.

Алматылықтар бұл жерге естелікке суретке түсу үшін жиі келеді. Сондай-ақ, бұл жерден жасанды қарды да табуға болады.

Фото
Фото: NUR.KZ/Владимир Третьяков

Фото
Фото: NUR.KZ/Владимир Третьяков

Қаладағы цирк маңына қойылған бірнеше шырша мен архитектуралық пішіндер де мегаполиске көрік беріп тұр.

Фото
Фото: NUR.KZ/Владимир Третьяков

Республика даңғылына қарама-қарсы бетте тұрған "Алмалы" сауда үйінің алдына кішігірім шырша қойылған. Ал амфитеатрдың шатырына алтын түстес шарлар ілінген.

Фото
Фото: NUR.KZ/Владимир Третьяков

Одан бөлек, біздің журналистер осы маңайдан жаңа жылдық көңіл-күй сыйлайтын танымал компанияның көліктерін кезіктірген болатын.

Фото
Фото: NUR.KZ/Владимир Третьяков

Ал Абай даңғылының бойына "2022" деп жазылған конструкция қойылған. Қала тұрғындары мен қонақтары бұл жерге де келіп, естелік суретке түсуде.

Фото
Фото: NUR.KZ/Владимир Третьяков

Сонымен бірге, Республика сарайының алдына да шырша қойылған.

Фото
Фото: NUR.KZ/Владимир Третьяков

Сонымен қатар, тұрғындардың көпшілігі Панфилов көшесіндегі иллюминацияға барып, фотосессия жасауда. Бұл жерде суретке түсуден бөлек, көше музыканттарын тыңдауға болады.

Фото
Фото: NUR.KZ/Владимир Третьяков

Айта кетейік, қаланың бас шыршасы ҚБТУ ғимаратының маңында орналасқан. 20 желтоқсан күні шырша шамы жағылды.

Мақаланың түпнұсқасы: https://kaz.nur.kz/society/1948096-almaty-zana-zyl-merekesine-qalai-bezendirildi-foto/