Алматылықтар Жаңа жылды қарсыз қарсы алады

Опубликовано:

Жаңа жыл
Көрнекі фото: Pexels

Алматы тұрғындары Жаңа жыл мерекесін қарсыз қарсы алады, деп хабарлайды ҚазАқпарат.

"Қазгидромет" РМК мәліметінше, 26 желтоқсан күні қалаға ылғал қар түседі.

"31 желтоқсанда Алматыда көшпелі бұлт шығады, жауын-шашын жаумайды. Жел екпіні 5 м/с дейін күшейеді. Ауа температурасы түнде -5 градус аяз, күндіз 5 градус жылы болады", - дейді метеорологтар.

Синоптиктердің мәліметінше, желтоқсанда айында осылайша күннің жылы болуы осыдан 10 жыл бұрын яғни 2011 жылы тіркелген.

Метеорологтардың болжамынша, жағдай 2022 жылдың қаңтарында өзгереді, нормадан артық жауын-шашын түсуі мүмкін.

"Қаңтарда жауын-шашын мөлшері қалыпты деңгейде - 33 мм болады деп болжанып отыр. Жаңа жылдың бірінші айында қар жауып, тұман түсіп, көктайғақ болады", - дейді синпотиктер.

Еске сала кетсек, бұған дейін синоптиктер 25-27 желтоқсанға арналған ауа райы болжамын ұсынған еді.

Мақаланың түпнұсқасы: https://kaz.nur.kz/society/1948454-almatylyqtar-zana-zyl-merekesin-qarsyz-qarsy-alady/