Биыл Ақ үй Рождество мерекесіне орай қалай безендірілді

АҚШ-тың бірінші ханымы Джилл Байден Ақ үй Рождество мерекесіне орай қалай безендірілгенін көрсетті, деп хабарлайды KAZ.NUR.KZ тілшісі.

Бұл туралы АҚШ президентінің жұбайы Facebook желісіндегі ресми парақшасында жазды. Әлеуметтік желіде соған сәйкес фотосуреттер де жарияланды.

Суреттен бөлмелер мен дәліздерге шыршалар мен гирляндалар, алауошақтың үстіне Аяз атаның сыйлықтарына арналған шұлықтар ілінгенін байқауға болады.

Биыл безендіруге шамамен 2 шақырымға созылатын гирлянда, 300-ден астам шырақтар мен 10 мың әшекейлер пайдаланылған. Ғимаратқа барлығы 41 шырша қойылған.

Ал безендіруге мың ерікті қатысқан.