Алматыдағы тәртіпсіздіктер кезінде судья қайтыс болды

Опубликовано:

Мұрат Абраев
Мұрат Абраев. Фото: Almaty Qalalyq Soty

Оңтүстік астанада болған тәртіпсіздіктер кезінде судья Мұрат Абраев қаза тапты. Бұл туралы Алматы қалалық соты Facebook парақшасында хабарлады.

"Алматы қалалық сотының басшылығы, Алматы қаласы бойынша Соттар Әкімшісі, Алматы қаласы әкімшілік құқық бұзушылықтар жөніндегі мамандандырылған ауданаралық сотының судьясы Абраев Мұрат Советұлының, қаңтар айындағы жаппай тәртіпсіздіктер кезінде қайтыс болуына байланысты, отбасы мен жақындарының қайғыларына ортақтасып көңіл айтады", - делінген хабарламада.

Еске сала кетсек, бұған дейін Алматыдағы тәртіпсіздіктер кезінде ҚазҰУ ректоры Жансейіт Түймебаевтың ұлы қайтыс болғанын хабарлаған едік.

Мақаланың түпнұсқасы: https://kaz.nur.kz/society/1950435-almatydagy-tartipsizdik-kezinde-sudya-qaitys-boldy/