Top.Mail.Ru

Сайт нұсқасы

ru kz

Зектілері

Білім министрлігі: 24 қаңтардан бастап барлық білім беру ұйымдары офлайн-форматта жұмыс істейді

Опубликовано:

Оқу ордасы
Көрнекі фото: pxhere.com

2022 жылдың 24 қаңтарынан бастап еліміздегі барлық білім беру ұйымдары дәстүрлі офлайн форматта жұмыс істейді, деп хабарлайды KAZ.NUR.KZ тілшісі.

Білім және ғылым министрлігінің мәлімдемесіне сәйкес, мұндай шешімді коронавирус инфекциясының таралуына жол бермеу жөніндегі ведомствоаралық комиссия қабылдаған.

Білім беру ұйымдарының жұмыс алгоритмі келесідей:

Мектепке дейінгі ұйымдар (балабақшалар) балаларды ата-аналарының өтініші бойынша қабылдайды.

600 балаға дейін оқушысы бар жалпы білім беретін мектептерде –толыққанды офлайн оқу.

600-ден астам оқушысы бар мектептерде офлайн оқыту кезінде толымдық жобалық қуаттың 50%-ынан аспауы тиіс. Бұл жағдайда БҒМ 1-4 сынып оқушыларын олардың жас ерекшеліктерін ескере отырып, дәстүрлі форматта оқытуды ұсынады. Себебі бастауыш сынып балаларына қашықтан білім алу қиынға соғады.

5-11 сынып оқушыларына келер болсақ, мектеп әкімшіліктеріне балаларды штатты форматта оқыту, ауысымдар мен ішкі ауысымдардың жұмысын ұйымдастыру, кейбір пәндер бойынша сабақтарды қашықтан оқыту форматына ауыстыру туралы ата-аналардың өтініштерін ескеру ұсынылады.

Мектептерден тыс ұйымдардағы оқу: жеке сабақтар толыққанды офлайн форматта, 15 адамға дейінгі топтық сабақтар – штаттық режимде, мүмкіндігі шектеулі балаларға арналған түзету кабинеттерінде (орталықтарда) – жеке сабақтар мен 8 адамға дейінгі топтық сабақтар – штаттық режимде жүргізіледі.

Еліміздің колледждері мен ЖОО-ларында оқыту аралас форматта: практикалық, лабараторлық, семинар сабағы, өндірістік іс-тәжірибе – штаттық режимде, дәрістер – онлайн форматта өтеді.

Айта кетейік, 19 қаңтарда короновирус инфекциясының таралуына жол бермеу жөніндегі ВАК-тың отырысы өтті.

Мақаланың түпнұсқасы: https://kaz.nur.kz/society/1952076-bilim-ministrligi-24-qantardan-bastap-barlyq-bilim-beru-uiymdary-oflain-formatta-zumys-isteidi/

pixel