Алматы халқы жазушы Әбдіжәміл Нұрпейісовті соңғы сапарға шығарып салды (фото)

Алматыда классик жазушы Әбдіжәміл Нұрпейісовті соңғы сапарға шығарып салды. Әйгілі қаламгер 98 жасына қараған шақта бақиға аттанды, деп жазады KAZ.NUR.KZ тілшісі.

Қаламгермен қоштасу сәтінен суреттерді журналист Ришат Асқарбекұлы жариялады.

Жазушымен қоштасуға елімізге танымал көптеген тұлғалар келкен. Олардың қатарында бұрынғы премьер-министр әрі Қорғаныс министрі Иманғали Тасмағамбетов, Алматының бұрынғы әкімі Бақытжан Сағынтаев, қаңтар оқиғасынан кейін қызметінен кеткен Қырымбек Көшербаев та бар.

Жазушы Дулат Исабеков пен Мемлекеттік хатшы Ерлан Қарин, ақын Маралтай Райымбекұлы мен жазушы Төлен Әбдік те классикпен қоштасуға келді.

Әбдіжәміл Нұрпейісов - әлемнің бірнеше тіліне аударылған "Қан мен тер" трилогиясының авторы. Сондай-ақ, Арал теңізінің жағдайын баяндайтын "Соңғы парыз" романын жазды.

Былтыр жазушының жұбайы Ажар Ілиясова көз жұмған.

Мәтіннен қате тапсаңыз, бізге жазыңыз