Елордада ауа райының қолайсыздығына байланысты 17 рейс кешікті

Бүгін елорда әуежайында қолайсыз ауа райы салдарынан 17 рейс кешікті, деп хабарлайды KAZ.NUR.KZ тілшісі әуежайдың баспасөз қызметіне сілтеме жасап.

Рейстің кешіккені туралы ақпарат Нұр-Сұлтан халықаралық әуежайының ресми сайтында пайда болды.

Әуе компаниясының өкілі Анвар Шалекенов 17 рейс кешіккенін хабарлады.

"Қаладағы метеожағдайға байланысты Нұрсұлтан Назарбаев халықаралық әуежайынан ұшуға 10 рейс, ал қонуға 7 рейс кешікті. Жолаушыларан әуе компаниялардың call-орталықтары мен әуежайдың анықтама орталығынан өзекті ақпаратты білулеріңізді сұраймыз",- деді Шалекенов.

Gismeteo порталының дерегіне сәйкес, бүгін Нұр-Сұлтанда қар жауып жатыр, жел секундына 15 метр ұйытқуда. Термометр бағаны 11-14 градус аязды көрсеткенімен, жел салдарынан ауа температурасы 20 градус ретінде сезіліп тұр.