Air Astana Украинадағы қазақстандықтарға арналған арнайы рейстің нақты уақытын хабарлады

Қазақстан азаматтарын елге қайтаратын арнайы рейс Польшаның Катовице қаласынан ұшып шығады деп жоспарланып отыр. Рейс 26 ақпан күні жергілікті уақыт бойынша сағат 02:00-де ұшпақ, деп хабарлайды әуекомпанияның баспасөз қызметі.

"Air Astana Украинадағы қазақстандықтарды арнайы рейспен Катовице (Польша) қаласынан Атырауға әкелуді жоспарлап отыр. Катовицеден ұшақ 26 ақпан күні жергілікті уақыт бойынша сағат 02:00-де ұшып шығады. Жолаушылар Қазақстанның Украинадағы елшілігі ұсынған тізім бойынша тіркеледі. Қазақстандықтар рейске отыру үшін 25 ақпан күні Львов қаласы Замкнен көшесі, 3/1 мекенжайы бойынша орналасқан Қазақстан елшілігінде жиналуға тиіс.

Байланыс телефондары. +38 (032) 240-36-70, +38 (067) 989-28-19.

Қосымша ақпарат алу үшін Air Astana өкілдеріне мына телефон нөмірлері арқылы хабарласуына болады: +38 (050) 051-11-17, +38 (050) 981-54-49", - деп хабарлайды әуекомпания өкілдері.