Шымкентте өрік ағашы гүлдей бастады (видео)

Шымкентте өрік ағашы гүлдей бастады. Күн жылынып кеткендіктен жеміс ағаштары ақпан айында бүр жарған, деп хабарлайды Астана арнасы.

Телеарнаның мәліметінше, өңірде ауа температурасы +17 градуасқа дейін көтерілген.

Дегенмен тұрғындар алдағы күндері күн күрт суытып, жеміс ағаштарын үсік шалмай ма деп алаңдап отыр. Себебі, былтыр сондай қиындық болған екен.

Дегенмен, Қазгидромет мамандары наурыз айы жылы болады деп болжап отыр.  

А. Төребекқызы.

Айта кетейік, бұған дейін синоптиктер 3-5 наурызға арналған ауа райы болжамын ұсынып, алдағы күндері оңтүстік аймақтарда ауа температурасы 15-20 градусқа дейін жыланатынын хабарлаған еді.