Алдағы күндері Қазақстанда -25 градусқа дейін аяз күтіледі

Синоптиктер 8-10 наурыз күндері елімізде ауа райы қандай болатынын хабарлады, деп жазады KAZ.NUR.KZ тілшісі "Қазгидрометке" сілтеме жасап.

"Алдағы күндері Қазақстанның солтүстігіне жауын-шашынсыз ауа райы мен ауа температурасының төмендеуін алып келетін кезекті антициклон әсер етеді.

Түнде бұл аймақтарда термометр бағандары 15-25 аязға дейін төмендейді", - делінген хабарламада.

Ал еліміздің батыс және оңтүстік аймақтарында оңтүстік циклон әсер етеді.

Осыған әйкес, аталған аумақтарда ауа температурасы 20 градусқа дейін көтеріледі.

Айта кетейік, бұған дейін ауа райынының қолайсыздығына байланысты еліміздің бірқатар өңірінде тас жолдар жабылғанын жазған едік.

Мәтіннен қате тапсаңыз, бізге жазыңыз