Түркістан облысындағы өзен жағалауынан 100 жылдық тарихы бар арба табылды

Түркістан облысы, Ордабасы ауданында 100 жылдық тарихы бар арба табылды, деп хабарлайды ҚазАқпарат.

Шұбар ауылындағы Арыс өзені жағалауынан табылған арба ХІХ-ХХ ғасырға тиесілі екен. Шамамен өткен өткен ғасырдың 1920/1940 жылдар аралығында пайдаланылған.

"Қазір саз балшығын тазалап ретке келтіріп жатырмыз. Бұл арбаны зерттеу үшін, қалпына келтіру үшін мамандар керек.

Сондықтан "Отырар" музейіне хат жазып, келісудеміз", - дейді облыстық Қажымұқан спорт музейінің сектор меңгерушісі Ерік Әшірбеков.

Айта кетейік, осыған дейін Ленинград түбінен із-түзсіз жоғалған қазақ жауынгерінің сүйегі табылған еді. Марқұм Емберген Майсанов жетпіс жыл бойы із-түзсіз жоғалғандар қатарында болған екен.