Top.Mail.Ru

Сайт нұсқасы

ru kz

Зектілері

Тоқаев Юрий Померанцевтің туыстары мен жақындарына көңіл айтты

Опубликовано:

Қасым-Жомарт Тоқаев
Қасым-Жомарт Тоқаев. Фото: Ақорда

Президент Қасым-Жомарт Тоқаев халық әртісі Юрий Померанцевтің туыстары мен жақындарына көңіл айтты. Бұл туралы президенттің баспасөз хатшысы Берік Уәли Facebook парақшасында хабарлады.

Мемлекет басшысы Қазақстанның Еңбек Ері, халық артисі Юрий Померанцевтің қайтыс болуына байланысты оның жақындары мен туыстарына көңіл айту жеделхатын жолдады.

"Ерекше талантты актер, көрерменнің көзайымы болған тұлға Юрий Борисович қазақ театры мен киносының дамуына өлшеусіз үлес қосты. Ол бізге терең мағыналы, шынайы сезімге толы ерекше туындылардың тұтас шоғырын сыйлады.

Юрий Померанцевтің өмірі мен шығармашылық жолы — өнерге деген адалдық пен риясыз қызметтің, патриотизмнің, парасаттылық пен жомарттықтың үлгісі. Юрий Борисович халықтың сүйіспеншілігі мен құрметіне бөленген тұлға. Ол жас ұрпақтың дана тәлімгері болды", — делінген жеделхатта.

Айта кетейік, танымал қазақстандық актер Юрий Померанцев 99 жасында дүниеден озған болатын.

Мақаланың түпнұсқасы: https://kaz.nur.kz/society/1961819-toqaev-yurii-pomerancevtin-tuystary-men-zaqyndaryna-konil-aitty/