Қарағандыда 9 жасар бала арыққа батып, көз жұмды

Бүгін, 3 сәуірде Қарағандыда қайғылы оқиға орын алды: тоғыз жасар балан арыққа батып, көз жұмды. Бұл туралы Қарағанды ​​облысының төтенше жағдайлар департаментінің баспасөз қызметі хабарлады.

Ведомство мәліметінше, 15:45-те жергілікті тұрғыннан "112" пультіне қар, жауын суы жиналатын арыққа баланың батып кеткені туралы хабар түскен.

Қайғылы жағдай Серов көшесіндегі үйдің жанында болды.

Оқиға орнына келген құтқарушылар бір сағат өткен соң 9 жасар баланың денесін арықтан алып шықты.

"Төтенше жағдайлар департаменті баланың ата-анасына қайғыра көңіл айтады", - делінген хабарламада.

Осы орайда Қарағанды облысының төтенше жағдайлар департаментінің мамандары ана-аналарға балаларын көзден таса қылмауға шақырды.