Шаңды дауыл, тұман, көктайғақ: Синоптиктер еліміздің бірнеше өңірінде дауылдық ескерту жариялады

"Қазгидромет" РМК 8 сәуірге арналған ауа райы болжамын ұсынып, еліміздің бірнеше өңірінде дауылдық ескерту жариялады, деп хабарлайды kazhydromet.kz.

Синоптиктердің мәліметінше, 8 сәуірде Батыс Қазақстан облысының солтүстігінде, солтүстік-шығысында тұман күтіледі. Оңтүстік-шығыстан, шығыстан жел соғады, екпіні 15-20 м/с жетеді.

Атырау облысының басым бөлігінде оңтүстік-шығыстан жел соғады, күші 17-22 м/с жетуі мүмкін.

Ақтөбе облысының солтүстігінде және батысында тұман күтіледі. Оңтүстік-шығыстан, шығыстан жел соғады, күндіз облыстың оңтүстігінде және орталығында екпіні 15-20 м/с жетеді деп болжануда.

Ақмола облысының батысында, солтүстігінде көктайғақ болып, облыстың оңтүстігінде тұман түсуі мүмкін. Солтүстік-батыстан жел соғады, күші облыстың солтүстігінде, шығысында 15-20 м/с дейін жетеді деп күтілуде.

Түркістан облысының тауларында найзағай, таңертең және күндіз солтүстігінде шаңды дауыл күтіледі. Шығыстан жел соғады, облыстың солтүстігінде және таулы аудандарында күші 15-20 м/с жетеді.

Шығыс Қазақстан облысының батысында, оңтүстігінде, күндіз оңтүстігінде, солтүстік-шығысында қатты жауын-шашын (көбінесе жаңбыр) күтіледі. Күндіз облыстың оңтүстігінде найзағай ойнайды. Шығыстан соғатын жел солтүстік-батысқа ауысады, облыстың солтүстік-батысында, батысында, оңтүстігінде күші 15-20 м/с, күндіз екпіні 23-28 м/с жетуі мүмкін.

Қарағанды облысында солтүстігінде, шығысында, орталығында тұман, күндіз облыстың шығысында найзағай болуы ықтимал. Солтүстік-батыстан жел соғады, облыстың оңтүстік-шығысында екпіні 15-20 м/с жетеді.

Павлодар облысының солтүстігінде, шығысында батыстан жел соғады, күші 15-20 м/с күтіледі.

Қызылорда облысының орталығында шаңды дауыл күтіледі. Жел солтүстік-шығыстан соғады, күндіз облыстың орталығында, оңтүстігінде күші 15-20 м/с жетуі мүмкін.

Қостанай облысының шығысында тұман, көктайғақ болады. Солтүстік-батыстан соғатын жел шығысқа ауысады, облыстың солтүстігінде екпіні 15-20 м/с жетеді деп болжануда.

8 сәуірде Солтүстік Қазақстан облысының оңтүстігінде, 9 сәуірде солтүстігінде, оңтүстігінде тұман күтіледі. 8 сәуірде батыстан, солтүстік-батыстан жел соғады, түнде облыстың солтүстігінде, шығысында екпіні 15-20 м/с, күндіз басым бөлігінде күші 15-20 м/с, облыстың солтүстігінде, шығысында екпіні 25 м/с жетуі мүмкін.