Қазақстанда "жалғызбасты ана" ұғымы неге заңды түрде қарастырылмаған

Еңбек және халықты әлеуметтік қорғау министрлігі Әлеуметтік көмек департаментінің директоры Асқар Ниязов ОКҚ-да өткен брифингте Қазақстанда "жалғызбасты ана" ұғымы неге заңды түрде қарастырылмағанын айтты, деп хабарлайды KAZ.NUR.KZ тілшісі.

Асқар Ниязов Қазақстанда отбасылық құндылықтар бірінші орында болуы тиіс екенін мәлімдеді.

"Біз шығыстық тәрбие беру стиліндегі ел болғандықтан, өз мәдени құндылықтарымыз, идеологиямыз, тәрбиеміз бар. Мәселен, қазақтарда жетімдерді қалдыруды құптамаған. Неліктен біз қазір соған ұмтылуымыз керек?

Біз баланың толық отбасында тәрбиеленуіне, мәдениет пен отбасылық құндылықтардың бірінші орынға шығуына ұмтылуымыз керек", – деді ол.

Еске сала кетейік, бұған дейін Асқар Ниязов елімізде жәрдемақы мөлшері көбейе ме деген сауалға жауап берген болатын.

Ол жәрдемақы мөлшерін ұлғайтып, адамдарды үйіне отырғызып қоймау керектігін атап өтті.

Мәтіннен қате тапсаңыз, бізге жазыңыз