1 маусым күні Алматыда балалар қоғамдық көлікте тегін жүре алады

1 маусым күні Алматыда балалар қоғамдық көлікпен тегін қатынайтын болады. Бұл туралы қала әкімдігі өзінің ресми Facebook парақшасында хабарлады.

"Балаларды қорғау күніне орай 1 маусым күні 16 жасқа дейінгі балалар үшін қоғамдық көлікте (автобус, троллейбус, метро) жүру тегін болады",- делінген ведомствоның хабарламасында.

Айта кетейік, Алматыда "Сарыарқа" және "Бауыржан Момышұлы" метро станциялары іске қосылды. Енді жолаушылар ағыны екі есе артып, тәулігіне 85 мыңнан астам адам қатынайды деп күтілуде.

"Бұл қала мен тұрғындар үшін өте маңызды оқиға деп санаймын. Мәселе біз күтіп отырған жолаушылар ағынының, 50 мыңнан 85 мыңға дейін өсуінде ғана емес. Қала барынша жайлы болады, бәрімізді толғандыратын трафик, экологияны жақсарту мәселелерін шешеміз", - деді Ерболат Досаев.

Мәтіннен қате тапсаңыз, бізге жазыңыз