Найзағай, дауыл, жел: Синоптиктер еліміздің бірнеше өңірінде дауылдық ескерту жариялады

"Қазгидромет" РМК синоптиктері 2 маусымға арналған ауа райы болжамын ұсынып, еліміздің бірқатар өңірінде дауылдық ескерту жариялады, деп жазады KAZ.NUR.KZ тілшісі.

Синоптиктердің дерегінше, 31 мамыр-2 маусым аралығында Алматы облысының тау және тау етегіндегі аудандары мен Алматы қаласы маңындағы таулы аудандарында баурайлық ағынның қалыптасуы және өзендерде су деңгейлерінің көтерілуі күтіледі.

2 маусымда күндіз Түркістан облысының батысында, таулы және тау бөктерлі аудандарда найзағай, дауыл соғады. Солтүстік-батыстан жел соғады, күндіз облыстың батысында, таулы және тау бөктерлі аудандарда 15-20 м/с, екпіні 23 м/с жетуі мүмкін.

Шымкент қаласында 2 маусымда күннің соңында найзағай, дауыл күтіледі. Солтүстік-батыстан жел соғады, күндіз екпіні 15-20 м/с жетеді.

Түркістан қаласында 2 маусымда күннің соңында найзағай, дауыл соғуы мүмкін. Солтүстік-батыстан жел соғады, күндіз 15-20 м/с, екпіні 23 м/с жетеді деп болжануда.

2 маусымда Солтүстік Қазақстан облысының солтүстігінде, шығысында солтүстік-батыстан жел соғады, күші 15-20 м/с, екпіні 23 м/с күтіледі.

2 маусымда таңертең және күндіз Қызылорда облысының оңтүстігінде, шығысында найзағай, орталығында шаңды дауыл күтіледі. Жел солтүстік-шығыстан соғады, облыстың орталығында, солтүстігінде күші 15-20 м/с жетуі ықтимал. Облыстың орталығында төтенше өрт қаупі сақталады.

2 маусымда Шығыс Қазақстан облысының солтүстігінде, оңтүстігінде, шығысында найзағай, бұршақ, дауыл соғуы мүмкін. Жел батыстан, солтүстік-батыстан облыстың солтүстігінде, оңтүстігінде, шығысында 15-20 м/с, күндіз екпіні 25 м/с жетеді.

2 маусымда Алматы облысының солтүстігінде, оңтүстігінде, шығысында және таулы аудандарында найзағай, бұршақ, дауыл күтіледі. Солтүстік-батыстан соққан жел солтүстік-шығысқа ауысады, күші облыстың оңтүстігінде, шығысында және таулы аудандарында 15-20 м/с, күндіз екпіні 25 м/с жетеді.

2 маусымда күндіз Маңғыстау облысының солтүстігінде шаңды дауыл күтіледі. Солтүстік-шығыстан жел соғады, күндіз облыстың солтүстігінде 15-20 м/с жетуі мүмкін. Облыстың оңтүстігінде 38 градус қатты ыстық болады деп болжануда.

Мақаланың түпнұсқасы: https://kaz.nur.kz/society/1972114-naizagai-dauyl-zel-sinoptikter-elimizdin-birnese-onirinde-dauyldyq-eskertu-zariyalady/