Маусым айында жаңа туған нәрестелерге ең көп қойылған есімдер белгілі болды

Стратегиялық жоспарлау және реформалар агенттігінің Ұлттық статистика бюросы Қазақстанда маусым айында дүниеге келген ұл және қыз балаларға ең көп қойылған есімдерді жариялады. Бұл туралы KAZ.NUR.KZ порталы хабарлайды.

Статистика бюросының мәліметінше, билығы жылдың маусым айында дүниге келген қыз балаға Медина, ұл балаға Алихан есімі жиі қойылған.

Одан бөлек маусымда жаңа туған ұлдарға мынандай есімдер көп қойылған. Олар:

Айсұлтан, Алдияр, Омар, Арсен, Али, Алан, Амир, Алинұр, Мұхаммед, Нұрислам, Ибрагим, Ислам, ал қыздарға Айлин, Айша, Асылым, Раяна, Аяла, Томирис, Амина, Сафия, Айым, Айзере, Айару, Мариям, Жасмин, Ясина есімдері жиі қойылған.

Айта кетейік, бұған дейін Рамазан айында дүниеге келген сәбилерге ең көп қойылған есімдер туралы жазған едік.

Ол кезде де сұранысқа ие болған есімдердің бірі - Айсұлтан еді. Қасиетті айда қыздарға ең көп қойылған есім - Медина мен Раяна болатын.