"Аумағы 36 мың гектарды құрайды": Шымкентте тағы бір аудан құрылатын болды

Опубликовано:

Құжат
Көрнекі фото: piqsels.com

Шымкент қалалық мәслихатының кезектен тыс он сегізінші сессиясында депутаттар "Шымкентте бесінші аудан құру туралы" ұсынысты бір ауыздан қолдады, деп хабарлайды ҚазАқпарат.

Басылым мәліметінше, жаңадан құрылатын ауданның аумағы 36 мың гектарды құрайды. Аудандағы тұрғындар саны шамамен 200 мыңнан асады.

Жаңа ауданға қандай атау берілетіні әзірге белгісіз. Бұл мәселе қолданыстағы заңдылықтарға сәйкес алдағы сессияда республикалық ономастика комиссиясының қарауына ұсынылмақ.

Айта кетейік, бүгінге дейін Шымкент қаласының аумағында Қаратау, Еңбекші, Әл-Фараби, Абай аудандары әкімдіктері болған.

"Бесінші ауданды құру қаланы басқаруды жетілдіріп, мемлекеттік қызмет көрсетудің сапасын арттыруға септігін тигізеді", - дейді әкімдіктегілер.

Мақаланың түпнұсқасы: https://kaz.nur.kz/society/1977385-aumagy-36-myn-gektardy-quraidy-symkentte-tagy-bir-audan-qurylatyn-boldy/