Демалыс күндері елімізде 46 градусқа дейін аптап ыстық болады

Опубликовано:

Демалыс күндері ыстық ауа райы сақталады
Көрнекі сурет: pixabay.com

"Қазгидромет" РМК 23-25 шілдеге арналған ауа райы болжамын ұсынды, деп жазады KAZ.NUR.KZ тілшісі.

Синоптиктердің болжамынша, алдағы демалыс күндері ел аумағының басым бөлігінде әлі де тұрақсыз ауа райы сақталады яғни жаңбыр жауады.

Тек еліміздің оңтүстік-шығысында жауын-шашынсыз ауа райы сақталады.

25 шілдеде республиканың солтүстік-батысында қатты жаңбыр, найзағай, дауыл, бұршақ, оңтүстікте шаңды дауыл күтіледі.

Сондай-ақ күндізгі уақытта республиканың батыс бөлігінде ауа температурасы +27 +42°С-тан +23 +35°С-қа дейін төмендейді.

Ал ауа температурасының аздап көтерілуі елдің солтүстік-батыс, орталық өңірлерінде күтіледі.

Мұнда сынап бағанасы +25-тен +38 градусқа дейін көтерілсе, республиканың солтүстігінде, шығысында +22-ден +30°С-қа, оңтүстікте, оңтүстік-шығыста +34-тен +46 градусқа дейін көтеріліп, өте қатты ыстық сақталады.

Мақаланың түпнұсқасы: https://kaz.nur.kz/society/1979841-demalys-kunderi-elimizde-46-gradusqa-deiingi-aptap-ystyq-bolady/