Жаңбыр, бұршақ, 37 градус ыстық: Алдағы күндері елімізде ауа райы қандай болады

"Қазгидромет" РМК синоптиктері 6-8 тамызға арналған ауа райы болжамын ұсынды, деп хабарлайды KAZ.NUR.KZ тілшісі.

Метеорологтардың мәліметінше, алдағы күндері елдің батысы мен солтүстік-батысында күн райы жауын-шашынсыз болады.

Қазақстанның өзге өңірлерінде найзағай ойнап, екпінді жел соғып, өткінші жаңбыр жаууы мүмкін.

Ал орталықта, солтүстікте, оңтүстікте және оңтүстік-шығыста қатты жаңбыр мен бұршақ жауып, жел соғуы ықтимал.

Алдағы күндері:

• батыста +30 +37°С;
• оңтүстік-батыста +27 +37°С;
• солтүстік-батыста +27 +35°С;
• солтүстік пен шығыста +22 +30°С;
• орталықта +20 +28°С;
• оңтүстікте, оңтүстік-батыста, елдің шығысында +30 +35°С;
• ал таулы аймақтарда +25°С жылы болады деп күтілуде.

Мәтіннен қате тапсаңыз, бізге жазыңыз