Ертең мемлекет және қоғам қайраткері Балташ Тұрсымбаевпен қоштасу рәсімі өтеді

Мемлекет және қоғам қайраткері Балташ Тұрсымбаевпен қоштасу рәсімі 16 тамыз күні өтетіні белгілі болды. Бұл туралы журналист Ермұрат Бапи Facebook парақшасында жазды, деп хабарлайды KAZ.NUR.KZ тілшісі.

Қоштасу рәсімі 16 тамыз күні сағат 10:00-де "Ғылым ордасында" (Ғылым академиясының ғимараты, Құрманғазы көшесі, 29 Уәлиханов көшесінің қиылысы) өтеді.

"Жаназалық асы сағат 13:00-де "Жалын" мейрамханасында (Достық даңғылы, 304) беріледі. Қонақасы ертең - 15 тамызда сағат 19:00-де сол мейрамханада өтеді", - деп жазды Ермұрат Бапи.

Балташ Тұрсымбаев екі рет Қазақстанның премьер-министрінің орынбасары (1992-1993), (1998-1999) қызметін атқарған. Қазақстанның Қауіпсіздік кеңесінің хатшысы (1995-1996), Қазақстанның Түркиядағы төтенше және өкілетті елшісі (1996-1998) болды. Екі жыл Қостанай облысы әкімі қызметін атқарды (1993-1995).

Еске салсақ, бұған дейін қоғам қайраткері Балташ Тұрсымбаевтың қайтыс болғаны туралы хабарды журналист Жұмабике Жүнісова Facebook парақшасында жария еткен еді.