Алматыдағы бейнебақылау жүйелеріне адамның бет-жүзін тану функциясы енгізіледі

Алматы көшелеріндегі бейнебақылау жүйесіне тұлғаны тану функциясы енгізіледі. Мұндай жаңалық "Алматы қаласын 2025 жылға дейін дамыту бағдарламасы және 2030 жылға дейінгі орта мерзімді перспективада" қарастырылған, деп хабарлайды KAZ.NUR.KZ.

Алматыдағы әлеуметтік нысандарда 7 мыңға жуық бейнебақылау камерасын орнату жоспарлануда, олар әлі күнге дейін бейнебақылау камераларымен қамтылмаған. Сондай-ақ, есепке алынған және жоғалған адамдарды іздеу кезінде жедел әрекет ету, әуежайда, вокзалдарда және адам көп жиналатын жерлерде қауіпсіздікті қамтамасыз ету үшін 2026 жылдан бастап барлық бейнебақылау жүйелеріне бейнеаналитика және тұлғаларды тану функциясы біріктіріледі деп күтілуде.

Бұдан басқа, 2027 жылға қарай бейнебақылау жүйесі террористік тұрғыдан осал барлық объектілер мен көппәтерлі тұрғын үй кешендерінің аулаларына камералар орнату есебінен кеңейтілетін болады.

Камералардағы бейнесуреттер Алматы полиция департаментінің ЖБО-на шығарылады. Бұл ықтимал қауіптердің болуын бақылауға және оларға жедел жауап беруге мүмкіндік береді. Атап айтқанда, бұл түтінді, отты және қалдырып кеткен заттарды тануға қатысты болмақ.

Одан бөлек, Алматы жолдарындағы апаттың деңгейін төмендету үшін "Vision Zero" тұжырымдамасының элементтерін енгізу көзделеді.

Мәтіннен қате тапсаңыз, бізге жазыңыз