Жауын-шашын, найзағай: Апта басында еліміздің ірі қалаларында ауа райы қандай болады

Синоптиктер ауа райының қолайсыз болатынын ескертеді. Бүгін, 26 қыркүйекте Астана мен Шымкентте жауын-шашын күтіледі, деп хабарлайды Қазгидромет.

Алматыда ауа райы болжамы бойынша бүгін жауын-шашын жоқ, термометр бағаны +29...+31 градусқа дейін көтеріліп, желдің жылдамдығы 3-8 м/с дейін жетеді.

Астанада найзағай ойнап, жаңбыр жауады деп күтіледі. Синоптиктер ауа температурасының күрт төмендеуін, яғни +19...+21 градус болатынын болжап отыр. Сондай-ақ елордада желдің жылдамдығы 9-14 м/с дейін күшеюі мүмкін, кей жерлерде екпіні 15-20 м/с жететіні ескертілді.

Шымкентте де қолайсыз ауа райы күтілуде. Қалада найзағай ойнап, жаңбыр жаууы мүмкін. Желдің жылдамдығы 8-13 м/с, кей жерлерде 15-20 м/с дейін жетуі мүмкін. Термометр бағаны күндіз +30...+32 градусты көрсетеді.

Мәтіннен қате тапсаңыз, бізге жазыңыз