Сирек кездеседі: Шығыс Қазақстанда сабаншы видеоға түсіп қалды

Шығыс Қазақстандағы "Тарбағатай" ұлттық паркінде сирек кездесетін жануар видеоға түсіп қалды. Сабаншыны аулауға 1976 жылдан бастап тыйым салынған, деп хабарлайды орман шаруашылығы және жануарлар дүниесі комитеті Instagram желісіндегі ресми парақшасында.

Комитет мәліметінше, сабаншы - өте сақ тіршілік ететін жануар.

"Сабаншы – аса сақ әрі жасырын тіршілік ететін жыртқыш сүтқоректі аң. Мысықтар тұқымдасына жататын жануар денесінің бір шаршы сантиметрінде 9 мыңға дейін түк өсуі мүмкін. Сондықтан олар -50°C суыққа шыдайды.

Елімізде 1976 жылдан бастап сабаншыны аулауға тиым салынған", - деп жазды орман шаруашылығы және жануарлар дүниесі комитеті.

Мәтіннен қате тапсаңыз, бізге жазыңыз