Республикалық маңызы бар жолдардағы қауіпсіздік деңгейін арттыруға бағытталған іс-шаралар жалғасып жатыр

Республикалық маңызы бар жолдардың қауіпсіздігін арттыру мақсатында "ҚазАвтоЖол" ҰК" АҚ-ның әр филиалы қосымша шараларды жүзеге асырып жатыр.

Мәселен, өткен аптадан бері шамамен 3 мың бас мал жарық шағылыстырғыш ленталармен қамтамасыз етілді. Бұл көрсеткішті 9 мыңға дейін арттыру жоспарланып отыр. Бұл шара күре жолдарда үй жануарларының пайда болуына байланысты орын алатын жол-көлік оқиғаларының санын азайтуға мүмкіндік береді.

Бұдан басқа, республикалық трассалардың авариялық-қауіпті учаскелерінде шу жолақтарының, стробоскоптар мен торлы қоршаулардың саны артуда. Мәселен, өткен аптадан бастап республикалық трассаларда шамамен 70 стробоскоп орнатылып, 1100 м2 шу жолақтары салынды.

Үй жануарларының жол бойына шығуына кедергі келтіретін торлы қоршауларды, қардан қорғайтын қалқандарды ұрлау жағдайлары да тіркеліп отыр. Мәселен, соңғы екі жылда 3 мың қума метрге жуық қардан қорғайтын қалқандар, 10 мың қума метрден астам торлы қоршаулар, 50-ге жуық жол белгілері мен 2 мың катафот ұрланды.

Мақаланың түпнұсқасы: https://kaz.nur.kz/society/1990442-respublikalyq-manyzy-bar-zoldardagy-qauipsizdik-dengeiin-arttyruga-bagyttalgan-is-saralar-zalgasyp-zatyr/