Сабақ уақытында мұғалімдер оқушыларды намаз оқуға жібере ала ма: Асхат Аймағамбетов жауап берді

Опубликовано:

Асхат Аймағамбетов
Асхат Аймағамбетов. Фото: NUR.KZ/Владимир Третьяков

Оқу-ағарту министрі Асхат Аймағамбетов Алматы халқымен кездесуінде сабақ уақытында мұғалімдер оқушыларды намаз оқуға жібере ала ма және хиджабтың орнына мектепке капюшоны бар киім киюге бола ма деген сұрақтарға жауап берді, деп хабарлайды KAZ.NUR.KZ.

Жиналғандардың бірі министрден оқушыларға хиджабтың орнына кимешек сияқты ұлттық киім немесе капюшоны бар киім кию туралы сұрақ қойды. Ол сондай-ақ ата-аналары мұғалімдерге ескертіп, балаларды намаз оқу үшін сабақтан босатуға бола ма деп сұраған.

"Біз зайырлы мемлекетпіз, оқу орындары да зайырлы. Сіздің сұрақтарыңызға жауап соған байланысты. Біз зайырлы мемлекет болғандықтан, "жоқ" деп жауап қайтарамыз. Бізде мектеп формасына қойылатын талаптар, мұғалімдерге, мамандыққа қойылатын жалпы ережелер мен талаптар бар", - деп жауап берді министр.

Мақаланың түпнұсқасы: https://kaz.nur.kz/society/1991693-sabaq-uaqytynda-mugalimder-oqusylardy-namaz-oquga-zibere-ala-ma-asxat-aimagambetov-zauap-berdi/