Жаңбыр, қар, көктайғақ: демалыс күндері ел аумағында ауа райы қандай болады

"Қазгидромет" РМК 15-17 қазан аралығына арналған ауа райы болжамын ұсынды, деп хабарлайды KAZ.NUR.KZ.

Синоптиктердің болжамынша, демалыс күндері еліміздің көп бөлігінде жаңбыр жауады, ал солтүстік аймақтарда қар аралас жаңбыр жаууы ықтимал.

Оңтүстік-шығыста осы аптаның соңына дейін жаңбыр жаумақ.

Одан бөлек ел аумағында ауа температурасы біртіндеп төмендейді, дегенмен жаңа аптаның басында жауын-шашынның тоқтауы күтіледі.

Сондай-ақ демалыс күндері республика бойынша желдің күшеюі күтіледі, елдің шығысында, солтүстігінде, батысында тұман, солтүстікте көктайғақ болуы мүмкін.

Ауа температурасы демалыс күндері Қазақстанның батысында түнде +10 градустан - 3 градус аязға дейін төмендесе, күндіз 8-15 градус аралығында жылы болмақ. Оңтүстік-батыста термометр бағаны +20 градусқа дейін жоғарылайды.

Солтүстікте және елдің орталығында ауа температурасы түнде +8 градустан - 3 градус аязға дейін төмендесе, күндіз 5-14 градус аралығында жылы болады.

Шығыста да түнде термометр бағаны +8 градустан -5 градусқа дейін төмендесе, күндіз 10-21 градус жылы болады деп күтілуде.

Республиканың оңтүстігінде түнде 0-11 градус, күндіз 15-23 градус аралығында жылы болады.

Ал оңтүстік-шығыста түнде 3-12 градус аралығында жылы болса, таулы аймақтарда +3 градустан –5 градусқа дейін төмендеп, күндіз 7-20 градус аралығында жылы болмақ.