Еңбек министрлігі елімізде төрт күндік жұмысқа көшудің шарттарын атады

Опубликовано:

Күнтізбе
Күнтізбе. Көрнекі фото: Pexels.com

Еңбек және халықты әлеуметтік қорғау министрлігі Еңбек және әлеуметтік қорғау комитетінің төрағасы Төлеген Оспанқұлов Орталық коммуникациялар қызметінде өткен брифингте Қазақстанда төрт күндік жұмыс аптасына көшу ықтималдығы қандай деген сұраққа жауап берді, деп хабарлайды KAZ.NUR.KZ.

Оспанқұлов бүгінде Еңбек кодексінде елімізде 40 сағаттық жұмыс күнімен бес күндік немесе алты күндік жұмыс аптасы белгіленген норма бар екенін айтты.

"Бірақ келіссөз үстеліне отырған жұмыс беруші бұл мөлшерлемені төмендете алады, бірақ мұның бәрі тек келісімшарт негізінде", – деп түсіндірді спикер.

Сонымен қатар, оның айтуынша, министрлік төрт күндік жұмыс аптасына көшу бойынша жұмыс істеп жатыр.

"Төрт күндік жұмыс аптасына көшу, бұл мәселе министрлік аясында қарастырылып жатқанын айтқым келеді. Бірақ бұл қалай болмақ? Айталық (бір айда – шамамен.ред.) төрт апта бар, бір аптада төрт жұмыс күні, екінші аптада бес жұмыс күні болуы мүмкін, үшінші аптада – алты күн, төртінші аптада тағы төрт жұмыс күні.

Есеп кезеңі деген ұғым бар. Осыған сәйкес, сағаттардың жалпы саны осы есептік кезеңнен жоғары болмауы керек. Ал қалған барлық сәттерді жұмыс беруші қызметкермен келіссөздер үстелінде шеше алады", – деп түсіндірді ол.

Еске салайық, қыркүйек айының басында Еңбек министрлігі заңға түзетулер жобасын ұсынды. Оған сәйкес қазақстандықтар аптасына 4 күн жұмыс істей алады. Бұл ұсыныс қазақстандықтар арасында дүрбелең туғызған еді, алайда барлық жұмыс берушілер жаңа кестеге көшуді ұтымды деп санамайды.

Сонымен қатар, еңбек және халықты әлеуметтік қорғау министрі Тамара Дүйсенова Қазақстанда мұндай жұмыс форматына көшу мүмкіндігі бар екенін айтты.

Мақаланың түпнұсқасы: https://kaz.nur.kz/society/1993817-enbek-ministrligi-elimizde-tort-kundik-zumysqa-kosudin-sarttaryn-atady/