14 жастағы қазақстандық оқушы маникюр жасаудан әлем чемпионы атанды (видео)

14 жастағы қазақстандық жеткіншек Арулат Мұхаметқали маникюр жасаудан әлем чемпионы атанды. Бұл туралы ол өз Instagram парақшасында хабарлады, деп жазады KAZ.NUR.KZ.

"Сүйінші ! Әлем чемпионы атандым. Достар, құттықтасаңыздар болады. Мен nail-индустриядағы өз санатым бойынша чемпион атандым. Ұйқысыз өткен түндерім босқа кеткен жоқ, өте бақыттымын. Әрбір чемпионат маған алға басып, өзіммен жұмыс істеу үшін жаңа мүмкіндік береді. Маған қолдау көрсететін ата-анама рахмет!, - деп жазды Арулат.

Тырнақты ұзарту және сәндеу жөніндегі чемпионат Мәскеуде өткен.

Айта кетелік, Арулат Мұхаметқали осыдан бірнеше жыл бұрын өзінің ерекше өнерімен көзге түсіп, желі қолданушыларын тәнті еткен болатын.

Мәтіннен қате тапсаңыз, бізге жазыңыз