Google компаниясы қазақстандық жас маманды жұмысқа шақырды

Google компаниясы қазақстандық университет түлегін жұмысқа шақырды. Әли Жүсіпов осы жылдың қыркүйек айынан бастап Цюрихтегі Google кеңсесінде әзірлеуші-бағдарламашы ретінде жұмыс істейді. Бұл туралы Ғылым және жоғары білім министрі Саясат Нұрбек Instagram парақшасында жазды.

Әли Жүсіпов Еуразия ұлттық университетінің механика-математика факультетін математикалық және компьютерлік модельдеу мамандығы бойынша бітірген. Компаниядан шақыру алған жас маман биыл қыркүйек айынан бастап Цюрихтегі Google кеңсесінде әзірлеуші-бағдарламашы ретінде жұмыс істейді.

Министрдің айтуынша, Google-ге келмес бұрын Али Яндекс-те тағылымдамадан өткен, сонымен қатар Сберде бағдарламашы-әзірлеуші ​​ретінде қызмет еткен.

Дарынды студент ЕҰУ-де оқыған жылдары бағдарламалау саласы бойынша көптеген халықаралық олимпиадалар мен жарыстарда жеңімпаз атанды, шахмат пен баскетболға әуес болған.

Мәтіннен қате тапсаңыз, бізге жазыңыз