"Ұйқы қайда?": Шығыс Қазақстанда жолда келе жатқан аю видеоға түсіп қалды
Опубликовано:
Шығыс Қазақстан облысында жол үстінде келе жатқан аю видеоға түсіп қалды, деп хабарлайды KAZ.NUR.KZ.
Tik-Tok желісінде Шығыс Қазақстан облысында жол үстінде келе жатқан аюдың видеосы пайда болды.
"Кеше Қатонқарағайға бара жатқан жолда осындай әдемі аюды кезіктірдік", - делінген видео сипаттамасында.
Видеодан көлікті байқаған аюдың жүрісін тоқтатып, артына қарағанын байқауға болады. Бірақ жыртқыш аң көлікке шаппаған. Желі қолданушылары аюдың осы уақытта қысқы ұйқыда болуы керек екенін жазуда.
Видеоны көргендер аюға сүйсіне қарағандарын, алайда оның аш жүруі мүмкін екендігін, жолаушыларға қауіп төндіретінін де ескертеді.
"Алланың құдіреті шексіз... Өте әдемі аю", "Олар осы уақытта ұйықтап жатуы керек, мүмкін аш шығар", " Ұйқы қайда? Сауық іздеп шықтың ба?", "Аю суық түскенде ұйқыға кетеді, қазір олар өз орындарына бара жатыр, бұл қалыпты жағдай", - деп жазады видеоға пікір қалдырушылар.
Мақаланың түпнұсқасы: https://kaz.nur.kz/society/1996943-uiqy-qaida-sygys-qazaqstanda-zolda-kele-zatqan-ayu-videoga-tusip-qaldy/
