Қазақстанда баланың туу туралы куәлігін алу форматы жеңілдетілді

Қазақстанда баланың туу туралы куәлігін алу форматы жеңілдетілді, деп хабарлайды Әділет министрлігі Telegram-дағы ресми арнасында.

Ведомствоның мәліметінше, бұдан былай туу туралы куәлік қызметтерін көрсету рәсімдерін енді АХАЖ-ға бармай-ақ, "электрондық үкімет" порталын немесе екінші деңгейдегі банктердің (Kaspi және Halyk банк) мобильдік қосымшаларын пайдалану арқылы алуға болады.

"Қазір туу туралы куәлікті қалыптастыру автоматты режимде жүреді. Перзентханадан туу туралы анықтама АХАЖ жүйесіне тікелей беріледі. Осыдан кейін құжат жасалып, ата-аналар баланың дүниеге келуіне байланысты құттықтаумен, баланың атын атауды өтінген sms- хабарлама алады.

Хабарламаға sms түрінде жауап жіберілген соң, туу туралы куәлік рәсімделеді. Құжатты АХАЖ-дан қағаз түрінде немесе электрондық түрде алуға болады", - дейді Әділет министрі Қанат Мусин.

Мәтіннен қате тапсаңыз, бізге жазыңыз