Секундына 28 метр жел: еліміздің бірнеше өңірінде дауылды ескерту жарияланды

Синоптиктер алдағы күндерге арналған ауа райы болжамын ұсынды. Оған сәйкес, Қазақстанның басым бөлігі әлі де антициклонның ықпалында болады, деп хабарлайды "Казгидрометке" сілтеме жасаған KAZ.NUR.KZ тілшісі.

Синоптиктердің болжамынша, антициклонның әсерінен елімізде алдағы күндері күн ашық болады деп болжануда. Тек Қазақстанның оңтүстік-батысы мен орталығында ғана қар жауады деп күтіліп отыр.

Сол сияқты республиканың шығысында, оңтүстік-шығыстың таулы аймақтарында жел күшейетін болады. Осыған байланысты еліміздің бірнеше өңірінде дауылды ескерту жарияланды.

Атап айтсақ, 17 желтоқсанда Түркістан облысының таулы аймақтарында тұман болып, желдің жылдамдығы 15-20 м/с-ке дейін жетеді деп күтілуде.

Синоптиктер сондай-ақ дәл осындай тұман Атырау, Маңғыстау және Жамбыл облыстарының таулы аймақтарында болады деп болжап отыр.

Сонымен қатар бүгін еліміздің оңтүстігі мен Шығыс Қазақстанда желдің жылдамдығы 15-20 м/с-ке дейін, кей жерлерде 23 м/с-ке дейін жетеді деп күтіліп отыр.

Бұған қоса бүгін Абай облысының орталығы мен оңтүстігінде желдің күшеюі болады деп күтілуде. Ал Жетісу облысының Алакөл ауданында желдің жылдамдығы 23-28 м/с-ке дейін жетіп, кей жерлерде 30 м/с-тен артық болады деп күтіліп отыр.

Қазақстанның үш ірі қаласы – Астана, Алматы мен Шымкентте ауа райы жауын-шашынсыз болады. Желдің жылдамдығы болжам бойынша 7 м/с-тен аспайды деп күтіліп отыр.