Әлемдегі ең биік ғимарат еліміздің Тәуелсіздік күнінің құрметіне көк тудың түсіне енді

Әлемдегі ең биік ғимарат саналатын Бурдж-Халифа тағы да Қазақстанның көк туының түсіне енді. Ғимарат әкімшілігі аталған бастама еліміздің Тәуелсіздік күніне орай қолға алынғандығын мәлімдеген, деп хабарлайды KAZ.NUR.KZ тілшісі.

Бурдж-Халифаның еліміздің көк туының түсіне енген видеосы ғимараттың ресми парақшасында жарияланды.

Онда: "Бурдж-Халифаны Қазақстан Тәуелсіздігінің күніне орай осы түске енгіздік. Бейбітшілік пен көркею тілейміз", - деп жазылған.

Қазақстан халқы ғимарат әкімшілігіне аталған игі шара үшін алғыс айтқан. Олар:

"Көптен-көп рахмет, жарайсыздар", "Еліммен мақтанамын, алға Қазақстан!", "Тәуелсіздік күні құтты болсын қазақ елі!" деген пікірлерін жазған.

Айта кетейік, бұған дейін Бурдж-Халифа Қазақстанның Республика күніне орай дәл осылай көк тудың түсіне енген еді.

Мәтіннен қате тапсаңыз, бізге жазыңыз