Семейде үздік жастар анықталды

Семей қаласының әкімі Нұрбол Нұрсағатов Семей жастарының үздік өкілдерін "Жыл таңдауы – 2022" сыйлығымен марапаттады.

Салтанатты бөлім басталар алдында Нұрбол Нұрсағатов іс-шараға қатысушылармен кездесу өткізіп, оларды жастардың өткен жылы қол жеткізген жоғары  жетістіктерімен құттықтады.

”Біздің қаламызда осындай белсенді және талантты жастардың  барына қуаныштымыз", - деді қала әкімі. 

Биыл әкім сыйлығын алуға үміткерлерден 50-ге жуық өтінім келіп түсті. Өз саласындағы ең табысты жастар арнайы комиссия мүшелерінің дауыс беруі арқылы таңдалды. 

“Жыл таңдауы – 2022" сыйлығы мемлекеттік жастар саясатын іске асыруға және жастардың қаланың қоғамдық өміріне қатысуына қосқан үлесі үшін беріледі.

Жеңімпаздар 12 номинация бойынша анықталды: "Жылдың үздік  студенті", "Жылдың үздік волонтері", "Жылдың үздік студенттік жастар ұйымы", "Жылдың жас журналисі", "Жылдың жас ұстазы", "Жылдың жас дәрігері","Жылдың жас қаһарманы", "Жылдың жас еңбек адамы", "Жылдың жас спортшысы","Жылдың жас дарыны", "Жылдың жас жанұясы", "Жылдың жас маманы".

Салтанатты бөлімнен кейін марапаттау рәсіміне қатысушылар үшін концерт өтті.