Магистратура бойынша білім гранты иегерлерінің тізімі шықты

Ғылым және жоғары білім министрлігі 2023-2024 оқу жылына арналған магистратура бойынша білім беру гранттары иегерлерінің тізімін жариялады. 1774 адам мемлекеттік білім грантының иегері атанды, деп хабарлайды ведомство ресми Telegram-арнасында.

"Мемлекеттік гранттар республикалық комиссия отырысының қорытындысы бойынша берілді, оның құрамына мемлекеттік органдардың, үкіметтік емес ұйымдардың өкілдері, журналистер және Қазақстан Студенттер альянсының өкілдері кірді", – дейді министрлік өкілдері.

Білім беру гранттарын беру конкурсына барлығы 2029 адам қатысқан.

"Отырыс қорытындысы бойынша 1774 адам мемлекеттік білім беру грантының иегерлері атанса, оның ішінде бейіндік магистратураға 100 грант бөлінді", – дейді ведомство өкілдері.

Оқуға қабылдау 10 қаңтарға дейін жүзеге асырылады, ал оқу ЖОО-ның академиялық күнтізбесіне сәйкес басталады.

Магистратураға бойынша грант иегерлерінің толық тізімін мына жерден көруге болады.

Мәтіннен қате тапсаңыз, бізге жазыңыз