Қазақстанда өткен тәулікте қанша адамнан COVID-19 анықталды

Қазақстандағы эпидемиологиялық жағдай туралы мәліметке сәйкес, 2023 жылдың 2-қаңтарында елімізде коронавирус жұқтырған тағы 115 адам тіркелді, деп хабарлайды Денсаулық сақтау министрлігінің баспасөз қызметі.

Осылайша, жалпы ел бойынша COVID-19 инфекциясын жұқтырғандар саны 1 403 252-ге жетіп отыр.

Сонымен қатар қазіргі кезде 2 814 адам коронавирус инфекциясынан емделіп жатыр. Оның ішінде 259 пациент стационарда, 2 555 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

• 7 адамның жағдайы ауыр,
• 6 пациенттің жағдайы өте ауыр,
• 2 науқас өкпені жасанды желдету аппаратында жатыр.