Бас прокурор: Қаңтар оқиғасы бойынша күдікке ілінгендер арасында Өзбекстан, Қырғызстан, Тәжікстан және Ресей азаматтары бар

Мәжіліс отырысында еліміздің Бас прокуроры Берік Асылов қаңтар оқиғасы бойынша күдікке ілінгендердің арасында Қазақстанмен шекаралас елдердің азаматтары барын мәлімдеді, деп хабарлайды KAZ.NUR.KZ.

"Жаппай тәртіпсіздік пен өзге де қылмыстарға қатысты шетелдік азаматтар да күдікті деп танылды. Олардың арасында Өзбекстан, Ресей, Қырғызстан мен Тәжікстан азаматтары да бар", – дейді Берік Асылов.

Сондай-ақ ол ұсталғандардың арасында тыйым салынған экстремистік топтардың мүшесі болуы мүмкін 25 адамның, ұйымдасқан қылмыстық топтардың мүшесі болуы мүмкін 42 адамның және деструктивті діни ағымдардың жақтаушысы болуы мүмкін 8 адамның барын атап өтті.

Десе де, Бас прокурор олардың қай елдің азаматтары екенін нақтыламады.

Мәтіннен қате тапсаңыз, бізге жазыңыз