Бүгін еліміздің екі ірі қаласында күн жылынады

Опубликовано:

Қыс көрінісі. Көрнекі сурет
Қыс көрінісі. Көрнекі сурет: pixabay.com

Синоптиктер бүгін, 6 қаңтарға арналған ауа райы болжамын ұсынды. Оған сәйкес еліміздің екі ірі қаласында күн жылы болады, деп хабарлайды "Қазгидромет" РМК.

Алматыда бүгін көшпелі бұлт күтіледі, ауа температурасы 7-9 градусқа дейін жылынуы ықтимал. Желдің жылдамдығы 2-7 м/с-қа дейін жетуі мүмкін.

Синоптиктер Астанада да жұма күні көшпелі бұлт болады деп болжап отыр. Күндіз ауа температурасы -1…-3 градусты көрсетсе, желдің жылдамдығы 5-10 м/с-ке дейін жетеді.

Шымкентте де бүгін күн жылы болады, термометр көрсеткіштері 6-8 градусқа дейін көтеріледі деп күтілуде. Метеорологтар қалада қар аралас жаңбыр жауады деп болжап отыр. Желдің жылдамдығы 8-13 м/с-ке дейін жетеді.

Мақаланың түпнұсқасы: https://kaz.nur.kz/society/2004331-bugin-elimizdin-eki-iri-qalasynda-kun-zyly-bolady/