Қалың қар, аяз: дүйсенбіде ел аумағында ауа райы қандай болады

Синоптиктер 9 қаңтар, дүйсенбіге арналған ауа райы болжамын ұсынды, деп хабарлайды KAZ.NUR.KZ "Қазгидромет" РМК-ға сілтеме жасап.

Метеорологтардың мәліметінше, бүгін еліміздің барлық дерлік аумағында қар жауады.

Қазақстанның шығысында жауын-шашын, оңтүстік-шығысында қатты жауын-шашын (жаңбыр, қар түрінде), оңтүстіктегі таулы аудандарда қалың қар жауады деп күтілуде.

Синоптиктер бүгін тек республиканың батысында жоғары қысым әсерінен жауын-шашынсыз, күн аязды болатынын болжап отыр.

Сондай-ақ суық арктикалық антициклонның әсерінен дүйсенбіде еліміздің батысында, солтүстік-батысында, солтүстігінде және оңтүстігінде ауа температурасының күрт төмендеуі күтілуде.

Одан бөлек республика бойынша жел күшейіп, бұрқасын, көктайғақ, тұман болуы ықтимал.