Алдағы күндері Алматыда 25 градусқа дейін аяз күтілуде

Алматыда алдағы күндері күн күрт суытады деп күтілуде, яғни осы аптаның соңына қарай қалада 25 градусқа дейін қатты аяз болуы мүмкін, деп хабарлайды "Қазгидромет" РМК ресми сайтында.

Синоптиктердің болжамынша, бүгін Алматыда күн жылы, алайда ертең, 10 қаңтардан бастап ауа температурасы -5...-10 градусқа дейін төмендейді.

Одан кейін аяз күшейеді: сәрсенбі, 11 қаңтарда түнде -13 ... -18 градусқа дейін, күндіз -10 ... -15 градусқа дейін суық болады.

12 және 13 қаңтар күндері түнде -20...-25 градусқа дейін, күндіз -13...-18 градусқа дейін аяз болуы ықтимал.

Сонымен қатар қалада жауын-шашын (қар, жаңбыр түрінде) тұман және көктайғақ күтіледі.

Gismeteo порталының хабарлауынша, аяз келесі аптаның ортасына дейін болады. 18 қаңтардан бастап күн жыли бастайды.

Мәтіннен қате тапсаңыз, бізге жазыңыз