Алматылық оқушылар мен студенттер аязға байланысты қашықтан оқитын болды

Алматыда 12 және 13 қаңтар, яғни бейсенбі және жұма күндері ауа райының қолайсыздығына байланысты мектеп оқушылары мен колледждің 1-курс студенттері қашықтан оқиды, деп хабарлайды KAZ.NUR.KZ қала әкімдігінің баспасөз қызметіне сілтеме жасап.

"Алматы қаласының білім басқармасы ауа райының қолайсыздығына байланысты 2023 жылғы 12-13 қаңтарда 0,1-11(12) сынып оқушылары мен колледждердің I, II курс студенттері қашықтан оқыту талаптары мен ережелеріне сәйкес қашықтан оқытуға көшетінін хабарлайды", – делінген Алматы қаласы Білім басқармасының хабарламасында.

Әкімдіктің баспасөз қызметі нақтылағандай, бұйрық мемлекеттік және жекеменшік мектептер мен колледждерге де қатысты. Бұл ретте балабақшалар әдеттегідей жұмыс істейді.

Мәтіннен қате тапсаңыз, бізге жазыңыз