Алматыда мектеп оқушылары дүйсенбіден бастап қалай оқиды

Алматыда келесі аптадан бастап мектеп оқушылары мен студенттер білім ошағына қайта оралады. NUR.KZ тілшісіне бұл туралы Алматы қалалық Білім басқармасының баспасөз қызметінен хабарлады.

Естеріңізге сала кетейік, 12-13 қаңтар күндері Алматыда ауа райының қолайсыздығына байланысты мектеп оқушылары мен студенттер қашықтан оқуға ауыстырылған болатын.

Айта кетейік, Қазақстанда арнайы "Орта білім беру ұйымдарында, сондай-ақ техникалық және кәсіптік білім берудің білім беру бағдарламаларын іске асыратын білім беру ұйымдарында қолайсыз ауа райы жағдайында сабақтарды тоқтату қағидалары" бар. Осылайша, қолайсыз ауа райы жағдайында сабақты тоқтату туралы хабарландыру туралы ақпаратты мемлекеттік білім беру органдары халыққа ұсынады:

• теледидарда жүгіртпе жолдар арқылы;
• радио арқылы;
• әкімдіктердің, басқармалар мен білім бөлімдерінің веб-сайттары арқылы;
• 169 телефоны бойынша (ақпарат ақылы).

Сабақтың тоқтатылғаны жайлы ақпарат

• бірінші ауысым үшін: сағат 06:45 пен 08:00 аралығында;
• екінші және үшінші ауысым үшін: сағат 11:15-тен 13:00-ге дейін хабарланады.

Мақаланың түпнұсқасы: https://kaz.nur.kz/society/2005322-almatyda-mektep-oqusylary-duisenbiden-bastap-qalai-oqidy/