"Цефтриаксон" препаратынан 18 адамның қайтыс болғаны рас па: ДСМ жауап берді

Опубликовано:

шприц ұстаған ер адам
Шприц ұстаған ер адам. Көрнекі фото: pixabay.com

Әлеуметтік желілер мен мессенджерлерде Алматыда "Цефтриаксон" препаратын қолданған 18 адамның қайтыс болғаны, сондай-ақ антибиотиктің дәріханалардан жаппай алына бастағаны туралы ақпарат тарады. Еліміздің Денсаулық сақтау министрлігінің мәліметінше, бұл ақпарат шындыққа жанаспайды, деп хабарлайды Stopfake.kz.

"Цефтриаксонның" жағымсыз әсері салдарынан көз жұмған пациент туралы карт-хабарламалар (сары карталар) тіркелген жоқ. ҚР ДСМ Медициналық және фармацевтикалық бақылау комитетіне және Алматы қаласы бойынша аумақтық департаментіне мұндай шағымдар түскен жоқ", – дейді ведомство өкілдері.

Басылымның жазуынша, "Цефтриаксон" – бұл сепсис, менингит, инфекциялардың түрлері, пневмония және басқа көптеген ауру кезінде тағайындалатын антибиотик.

Бұл препарат Қазақстанда лицензияланған және дәріханаларда сатылады.

Айта кетейік, бұған дейін денсаулық сақтау министрлігі Қазақстанда "омикрон ХВВ" нұсқасы анықталғаны туралы ақпаратты жоққа шығарған еді.

Мақаланың түпнұсқасы: https://kaz.nur.kz/society/2005528-ceftriakson-preparatynan-18-adamnyn-qaitys-bolgany-ras-pa-dsm-zauap-berdi/