Елімізде телерадиоарналар жұмысын уақытша тоқтатады

Қазақстанның барлық аумағында 18 қаңтар күні телерадиоарналарды ретрансляциялау уақытша тоқтатылады, деп хабарлайды "Қазтелерадио" ресми сайтында.

"Қазтелерадионың" мәліметінше, 18 қаңтар күні сағат 03:00-17:00 аралығында жоспарлы-профилактикалық жұмыстар жүргізіледі.

Осыған байланысты еліміздің барлық аумағында телерадиоарналарды ретрансляциялау уақытша тоқтатылады.

"Қазтелерадио" АҚ тоқсан сайын жерсеріктік және эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді. Бұл жұмыстар телерадио хабарларын сапалы таратуды қамтамасыз ету үшін қажет.

Ал тоқсан сайынғы жоспарлы-профилактикалық жұмыстар сервисті ұзақ уақыт өшіруге мүмкіндік береді. Сондықтан осы уақыт ішінде техникалық құралдарды жаңғырту бойынша қосымша жұмыстар жүзеге асырылады", - дейді "Қазтелерадио" АҚ өкілдері.

Мәтіннен қате тапсаңыз, бізге жазыңыз