Шығыста қар жауып, жел күшейді: сейсенбіде ел аумағында ауа райы қандай болады

Синоптиктер 17 қаңтар, сейсенбіде Қазақстан мегаполистері мен ел аумағында ауа райы қандай болатынын болжады, деп хабарлайды KAZ.NUR.KZ "Қазгидромет" РМК-ға сілтеме жасап.

Метеорологтардың мәліметінше, бүгін солтүстік-батыс антициклонының әсерінен еліміздің барлық дерлік аймағында жауын-шашынсыз ауа райы сақталады.

Тек республиканың шығысында қар жауып, жел күшейіп, боран соғады. Елдің оңтүстігінде тұман болады.

Түнде солтүстікте, шығыста, Жетісу облысы мен Алматы облысының таулы аудандарында 25-26 градус қатты аяз сақталады.

Ал ел мегаполистерінің бірі Алматы қаласында бүгін жауын-шашын жаумайды, десе де күн аздап бұлтты әрі өткен күндермен салыстырғанда біршама жылы болады деп күтілуде. Ауа температурасы -5…-7 градус аралығында. Желдің жылдамдығы 0-5 м/с.

Астанада сейсенбіде көшпелі бұлтты, дегенмен жауын-шашынсыз ауа райы күтілуде. Күндіз ауа температурасы -11…-13 градус аралығында. Желдің жылдамдығы 2-7 м/с.

Синоптиктердің болжамынша, бүгін Шымкентте де ауын-шашын жаумайды, күн ашық болады. Күндіз ауа температурасы -2…-4 градус аралығында. Желдің жылдамдығы 3-8 м/с.

Мәтіннен қате тапсаңыз, бізге жазыңыз